Gleðilegt nytt skolaar

Kæru listfræðinemar.

Við byrjum á því að bjóða Sólveigu Ásu velkomna í stjórn Artímu, sem
fulltrúi nýnema.
Enn eru lausar stöður í ritnefnd - ArtímaRit 2008.

Við erum byrjuð að taka á móti skráningum í félagið. Félagsgjöldin eru
2000 krónur. Við verðum á Barnum, Laugavegi 22, í dag, fimmtudag, frá
kl. 21. Þar verður sameiginlegt bjórkvöld Torfhildar, félag skorarinnar
okkar, og Artímu.

Okkur var einnig boðið á sýningaropnun Eggerts Péturssonar á Listasafni
Reykjavíkur, Kjarvalsstöðum, laugardaginn 8.september. Við ætlum að
hittast í andyri safnsins kl. 16.30.
sjá nánar á www.listasafnreykjavikur.is


Miðvikudagskvöld í vetur verða ArtímuBíó-kvöld. Við ætlum að byrja á
miðvikudaginn eftir viku, 12.september og sýna verk Mayu Deren. Staður
verður tilkynntur síðar.


Vonumst til að sjá ykkur sem flest.


Artímufélagar
Jóhanna, Karína, Heiða, Heiðar og Sólveig

artima@hi.is

Ný stjórn Artímu - 2007/2008

haldinn var aðalfundur á prikinu í kvöld. Ný stjórn var kosin, enn eru nokkrar stöður lausar fyrir áhugasama.

Formaður verður Jóhanna Björk -
ritari / varaformaður verður Karína Hanney -
gjaldkeri verður Heiða
Ritstjóri Artímarits 2008 verður Heiðar Kári

lausar eru eftirfarandi stöður:
-fulltrúi nýnema (kemur inn í hust)
-meðstjórnandi
-tveir meðlimir í ritstjórn

áhugasamir hafi samband við stjórn artímu á veffangið - artima@hi.is

Við hlökkum til að vinna saman á komandi skólaári. Allar tillögur eru vel þegnar.

kveðja
Artíma

Aðalfundur Artimu 2007

Nemendafélag listfræðinema heldur Aðalfund,
miðvikudaginn 25. apríl kl. 20.00 á Prikinu, Bankastræti 12, innri sal á
efri hæð.

Dagskrá fundar:
- farið yfir starfsárið
- kosið í stjórn fyrir skólaárið 2007-2008

kosið er í eftirfarandi stöður:
Formaður
Gjaldkeri
Ritari / varaformaður
Ritstjóri ArtímaRits
Tveir meðtjórnendur
Tveir meðlimir í ritsnefnd


Áhugasamir hafi samband við núverandi stjórn, á netfangið artima@hi.is.

stjórn Artímu

Gallery Fold - uppboð

Gallerý Fold heldur reglulega uppboð. Sunnudaginn 29.apríl ætlar artíma að
forvitnast um atburðinn. Uppboðið fer fram á Hótel Sögu, Súlnasal, klukkan
sjö.

sjá nánar á www.myndlist.is

kveðja
Artíma

Sjömílnaskór

31. mars – 28. apríl 2007

Samsýning sjö listamanna í boði Listasalar Mosfellsbæjar

Laugardaginn 31. mars kl. 15 verður opnuð sýningin Sjömílnaskór, samsýning sjö listamanna, í boði Listasalar Mosfellsbæjar. Allir velkomnir og aðgangur er ókeypis.


Sjö listamönnum var boðið að sýna í Sjömílnaskóm í Listasal Mosfellsbæjar. Í hópnum eru listamenn sem vinna með fjölbreytta miðla og spanna því vítt róf myndlistar (ljósmyndir, innsetningar, málverk, skúlptúr og fleira). Listamennirnir eru með ólíkan bakgrunn og mislangan feril að baki. Þeir þó eiga allir sameiginlegt að eiga rætur að rekja til Mosfellsbæjar.


Listamenninrnir eru:

Berglind Jóna Hlynsdóttir (f. 1979)

Eyþór Árnason (f. 1981)

Heiða Harðardóttir (f. 1977)

Ingibjörg Birgisdóttir(f. 1981)

Oddvar Örn Hjartarson (f. 1977)

Unnar Örn Jónasson Auðarson (f. 1974)

Þórdís Aðalsteinsdóttir (f. 1975)

Listamönnunum eru hugleikin ólík hugarefni. Allt frá stöðu Mosfellsbæjar og spurningarinnar hvort bærinn sé enn sá menningarbær sem hann eitt sinn var og til augnabliksins þegar maður horfir uppá endalok þess heims sem hann þekkir. Á sýningunni verða einnig verk sem ekki enn hafa verið skilgreind ásamt verkum um manninn í umhverfinu, frægð á Íslandi, klippimyndir um hversdagleikann og innsetningar.


Hvað eru Sjömílnaskór?

Titill sýningarinnar, Sjömílnaskór, er þekkt minni í ævintýrum og eru galdraskór sem hafa þá náttúru að þeir sem klæðast þeim taka sjö mílur í hverju skrefi. Á það vel við því með sýningunni stendur til að taka stórt skref fyrir listamennina, Listasalinn, Mosfellsbæ og menningarlíf landsins alls. Einnig er vel við hæfi að vísa í ævintýri bókmenntanna þar sem Listasalur Mosfellsbæjar og Bókasafn Mosfellsbæjar eru undir sama þaki.


Listasalur Mosfellsbæjar, Kjarna, Þverholti 2, er opinn virka daga kl. 12-19 og laugardaga 12-15 og er í Bókasafni Mosfellsbæjar.

Listasalur Mosfellsbæjar er fjölnota salur sem hefur verið starfræktur frá 2005. Salurinn er vettvangur fjölbreytts sýningarhalds atvinnulistamanna en samhliða því er öðru listafólki úr Mosfellsbæ veitt sérstakt tækifæri að koma sér á framfæri. Eins er listasalurinn notaður til tónleikahalds, fundarhalda, leiksýninga og annarra félags- og menningartengdra viðburða. Aðgangur í salinn er ókeypis.


Frekari upplýsingar veita umsjónarmenn Listasalar Mosfellsbæjar og sýningarstjórar Sjömílnaskóa.

Hlín Gylfadóttir hling@mos.is og

Gunnar Helgi Guðjónsson gunnarh@mos.is

Sími 566-6822

Syningaropnanir i Þjoðminjasafninu

Opnaðar verða tvær sýningar í Þjóðminjasafninu um helgina.

Sporlaust - dulúðugar myndir Katrínar Elvarsdóttur segja sögu

Laugardaginn 17. mars klukkan 15 verður opnuð sýningin Sporlaust með
ljósmyndum Katrínar Elvarsdóttur í Þjóðminjasafni Íslands.
Með titlinum Sporlaust afhjúpar Katrín skilning sinn
og notkun á ljósmyndinni sem myndsköpunaraðferð og tjáningarleið.
Myndir hennar eru hugrænar, þær eru cosa mentale, skáldskapur, staður þar sem
sögur verða til.

Hví ekki Afríka?

Ljósmyndir Dominique Darbois og Franskt vor
Sýningaropnanir og málþing í Þjóðminjasafni Íslands helgina 17.-18. mars
Vor er í lofti og vorið er franskt! Í tilefni af frönsku
menningarhátíðinni Pourquoi pas? sem nú stendur yfir á Íslandi, verður
efnt til fransk-afrískrar menningarveislu í Þjóðminjasafni Íslands helgina
17.-18. mars. Undirbúningur er á fullu og klukkan 15 laugardaginn 17. mars
verður opnuð sýningin Hví ekki Afríka? á ljósmyndum teknum í Afríku og
afrískum skúlptúrum og sunnudaginn 18. mars verður haldið málþing 14-16.

Árshatið - föst. 9.mars

Nú er komið að árshátíð nemenda við bókmenntafræði- og málvísindaskor.

Árshátíðin verður haldin föstudaginn 9. mars næstkomandi á Hótel Sögu, í
sal sem kallast Skáli. Artíma kemur á móti félagsmönnum í kostnaði við árshátíðina og kostar því einungis 2.500 krónur.
Fyrir þá sem ekki eru í félaginu kosar 3.000 krónur, sama gildir um maka.

Miðinn á árshátíðina gefur ykkur þetta:

- Stórskemmtilega árshátíð á Hótel Sögu
- Dýrindis mat (matseðillinn er hér fyrir neðan)
- Partí á milli matarins og ballsins, þar sem veigar verða í boði
- Hugvísindaball síðar um kvöldið. Það hefst kl. 24 í Sunnusal á Hótel Sögu.

Til þess að skrá sig á árshátíðina skal senda póst á þetta netfang,
emil@hi.is. Frestur til þess að skrá sig er til kl. 11:00 (um morguninn)
þriðjudaginn 6. mars. Nánar verður auglýst hvenær er hægt að nálgast
miðana (það verður eftir þriðjudaginn, og verður stjórnarfólk úti í
Árnagarði).

Við skráningu skal taka fram hvort þið séuð skráð í nemendafélagið og
eigið félagsskírteini. Það er auðvitað leyfilegt að bjóða mökum með, en
verð fyrir þá er 3000 krónur eins og hefur verið tekið fram. Ef þið hafið
sérstakar óskir um að fá grænmetisrétt, látið einnig vita við skráningu.


Matseðill árshátíðarinnar:

- Forréttur: Blackeraður lax á steinseljurótarmauki með teriyakisósu og
stökku kryddjurtasalati

- Aðalréttur: Kryddjurtalegið lambaprime með kartöflukóngasveppalögum og
"confit"-elduðu haustgrænmeti

- Eftirréttur: Súkkulaðipýramídi með nougatfyllingu og pistasíusírópi


ATH! Auglýst er eftir skemmtiatriðum fyrir árshátíðina. Sendið
póst á emil@hi.is ef þið hafið eitthvað skemmtilegt í pokahorninu. Hvetjum
ykkur eindregið að koma með skemmtiatriði svo árshátíðin geti verið sem
skemmtilegust!

ATH! ATH! Svo er það að mæta! Þetta verður stórskemmtilegt! Skrá sig!

Árshátíðarkveðjur,
Artíma

Eldorgelið - Safnanótt

Næstu helgi er mikið um að vera í listheiminum.
Á föstudaginn, 23.febrúar, er safnanótt í Reykjavík.

Forskot er tekið á sæluna á fimmtudaginn með opnun franskrar listahátíðar
á Austurvelli. Þá mun franski listamaðurinn Michel Moglia framkvæma
gjörning á Austurvelli sem hann nefnir Eldorgelið. Þetta er mikið
sjónarspil og skemmtilegt um leið og það er virkilega metnaðarfullt
listaverk.
Artíma ætlar að fjölmenna á atburðinn. Hefst kl. 20.

(http://www.fransktvor.is)

Á föstudaginn er svo stórhátíð. Söfn borgarinnar eru opin fram eftir nóttu
og að sjálfsögðu nýtum við tækifærið.

18:00 - 18:45 - söfnumst á Deco

19:00 - Opnun Safnanætur – Listasafns Einars Jónssonar

20.00 - 24.00. Listasafn ASÍ.

21:00 - Kjarvalstaðir. K-þátturinn.

21:30 - Hafnarhús.22.30 Vínsmökkun. Sjóminjasafnið Grandagarði 8.

23.30 - Nýlistasafnið.

24.00 - Deco, áframhaldandi vínsmökkun ;)

Artíma verður í gjafmildu buxunum!

Sjáumst kát
Kveðja
Artíma

ps. Kortin frægu eru nú komin í hús. Svo þeir sem hafa borgað geta nálgast þau hjá stjórnarmeðlimum bæði kvöldin og þeir sem ekki hafa þegar skráð sig fá sérstakan díl á nemendafélagsgjöldum.